Osla sendir 43 fyltar skógvaeskjur í jólagávu til børnini í Ukraina

Túsundtals pakkar úr Føroyum liggja undir trøunum í Ukraina á jólum. Og 43 av hesum pakkunum eru pakkaðir heima hjá 89 ára gomlu Oslu Arge Ellingsgaard, sum sjálv hevur seymað pløggini.

Hvørt ár senda føroyingar jólapakkar í skóeskjum til neyðstødd børn kring heimin.

Fyrsta árið var í 2003. Tá fóru eini 300 pakkar úr Føroyum.

Í fjør var talið oman fyri 3300.

Har ímillum vóru fimm pakkar frá 89 ára gomlu Oslu Arge Ellingsgaard úr Klaksvík. Í pakkunum vóru pløgg og dukkum, sum hon sjálv hevði seymað.

Henni dámdi tað so væl, at hon longu í januar fór í holt við næstu jól.

Nú er hon loksins liðug. 43 fyltar skógveskjur eru nú klárar at verða sendar til børnini í Ukraina.

‍

Sí video, og eisini eitt innslag frá Morgunsendingini 13. oktober, hvar KVF hevur eina longri samrøðu við Oslu Arge Ellingsgaard: Sí link frá KVF

við loyvi frá Kringvarp Føroya

------------------------------

NB! - Hagtøl yvir skógvaeskjurnar eru at finna her